Nuk mund të jetë gjithmonë në maksimum, sidomos kur e ka bërë disa herë radhazi.
Ernest Muçi nuk mori vlerësime të larta për paraqitjen në sfidën ndaj Bashaksehirit në Superligën turke.
E përditshmja kryesore sportive në Stamboll, “Fanatik”, I kushtoi një shkrim dhe një titull kryesor yllit të Beshiktashit.
“Ernest Muçi u kthye në ditët e kritikave”, shkruan “Fanatik”, që theksoi se lojtari ofensiv shqiptar kishte shënuar tre gola radhazi në ndeshjet e kaluara ndaj Gallatasarajit e Kasimpashasë në kampionat dhe Malmos në Ligën e Europës.
Gazeta komentoi se 23-vjeçari bëri një paraqitje të zbehtë në krahun e majtë, ndryshe nga tri ndeshjet e kaluara, ndërsa u zëvendësua në 86’.
Gjithsesi, agjencia e specializuar e futbollit, “sofaskor” I dha Muçit notën 7.1, pak më lart se mesatarja e ekipit, dhe më mirë se 5 prej lojtarëve titullarë të Beshiktashit. /abcnews.al
