TIRANË- Në Qendrën Spitalore Universitare “Nënë Tereza” është kryer një operacion i rrallë tek një pacient 30-vjeçar. Lajmi bëhet i dituar nga Ministrja e Shëndetësisë, Albana Koçiu me anë të një njoftimi në “Facebook”.
Njoftimi i ministres:
Një ndërhyrje delikate është realizuar me sukses tek një pacient 30 vjeçar nga personeli i Shërbimit të Neurokirurgjisë në bashkëpunim me Shërbimin ORL-së në Qendrën Spitalore Universitare “Nënë Tereza”.
Për herë të parë në strukturat e shëndetit publik nga bashkëpunimi i ekipit multidisiplinar dhe aparaturave bashkëkohore, kryhet një operacion në qendrën shumë delikate të trurit (rregjioni supraselar)duke eleminuar ndërhyrjen përmes kokës.
Pacienti është jashtë rrezikut për jetën falë punës profesionale e të përkushtuar të ekipit të mjekëve neurokirurgë, ORL e anesteziste, Prof. Artur Xhumari, Dr. Tedi Minarolli, Dr. Myfit Saraçi si dhe personelit infermieror Ridvana Gjura, Ervin Meta të cilët asistuan gjatë ndërhyrjes kirurgjikale./ abcnews.al
