Bashkimi Europian nuk ka arritur ende një marrëveshje për përmbajtjen e paketës së shtatë të sanksioneve kundër Rusisë apo për datën e miratimit të saj, tha kryeministrja suedeze Magdalena Andersson në një konferencë të përbashkët me presidentin ukrainas Volodymyr Zelensky në Kiev.
Ajo tha se Suedia është e gatshme të miratojë paketa të reja sanksionesh kundër Rusisë. Duke komentuar nëse kjo mund të bëhet para pushimeve verore, ajo shtoi se në Bashkimin Europian ka mendime të ndryshme për këtë çështje. Andersson theksoi rëndësinë e zbatimit të plotë të këtyre sanksioneve, në mënyrë që të mos kishte boshllëqe për t’i kundërshtuar ato.
Ajo vuri në dukje se Suedia është e gatshme të përfshijë një embargo për blerjen e gazit natyror nga Rusia në paketën e shtatë të sanksioneve. Andersson shtoi se Suedia nuk varet nga gazi rus, ndërsa vendet e tjera kanë rrethana të ndryshme. /abcnews.al
