Kryeministri irlandez Micheal Martin ka mbërritur në Kiev duke shprehur solidaritetin e Irlandës me autoritetet ukrainase përballë pushtimit rus, shkruan skynews.
Ai do të diskutojë mënyrat se si Irlanda dhe BE-ja mund ta mbështesin vendin. Martin do të ritheksojë mbështetjen e plotë të Irlandës për vazhdimin e sanksioneve kundër regjimit të Presidentit Vladimir Putin, për rrugën e Ukrainës drejt anëtarësimit të plotë në BE, si dhe angazhimin e Irlandës për të punuar me BE-në për rindërtimin e Ukrainës.
“Populli i Irlandës është pranë Ukrainës dhe popullit të saj përballë luftës imorale dhe të paprovokuar të terrorit të Rusisë,” tha ai. “Bombardimet dhe sulmet ndaj civilëve nuk janë asgjë më pak se krimet e luftës dhe unë do ta shfrytëzoj vizitën time për të shprehur mbështetjen e Irlandës për Ukrainën.
“Fryma dhe vendosmëria e popullit ukrainas na ka frymëzuar të gjithëve dhe Irlanda do të ofrojë çdo mbështetje për rrugën e Ukrainës drejt anëtarësimit të plotë në BE dhe do të vazhdojë të mirëpresë dhe mbështesë civilët që po largohen nga lufta.”
/abcnews.al
