Kryeministri hungarez: Do të ndërtojmë një fabrikë për të prodhuar vetë vaksina

schedule11:34 - 22 Janar, 2021

schedule 11:34 - 22 Janar, 2021

Kryeministri hungarez Viktor Orban ka thënë se vendi ka nevojë për një strukturë të re për të siguruar prodhimin e qëndrueshëm të vaksinave kundër Covid-19.

Orban argumentoi se “një vend serioz” nuk mund të mbështetet në marrjen e vaksinave dhe pajisjeve të tjera jetësore mjekësore vetëm nga jashtë.

“Qeveria ka urdhëruar ndërtimin e një fabrike vaksinash në Debrecen, e cila do të jetë mjaft e madhe që, nëse shkencëtarët tanë krijojnë një vaksinë, ne mund ta prodhojmë atë në sasi të mëdha”, deklaroi kryeministri hungarez.

Universiteti i Debrecen nënshkroi një marrëveshje me agjencinë kryesore mjekësore të vendit për të punuar në krijimin e një Impianti Kombëtar të Vaksinave, i cili do të siguronte një furnizim të qëndrueshëm të vaksinave.

Ministri i Burimeve Njerëzore Miklos Kasler tha se nisma do të “rifillojë prodhimin e vaksinave” në Hungari dhe do të shërbejë si një qendër për kërkimin e vaksinave. g.v/abcnews.al