Kryeministri i Mbretërisë së Bashkuar Sir Keir është shprehur i shqetësuar për përshkallëzimin e situatës në Lindjen e Mesme.
Më herët u raportuan se forcat izraelite kishin qëlluar në objektet e përdorura nga forcat paqeruajtëse të Kombeve të Bashkuara, në Libanin jugor.
“Jam shumë i shqetësuar për situatën në Liban, në Gaza dhe përshkallëzimin në lidhje me konfliktin. Ndaj e theksoj duhet de-përshkallëzim”, ka thënë ai.
Ai ka nënvizuar se duhet të gjendet një rrugë politike dhe diplomatike dhe për këtë po punohet me aleatët për të gjetur një zgjidhje.
/abcnews.al/
