Ministrat e Punëve të Brendshme të BE-së miratuan sot anëtarësimin e Kroacisë në zonën Shengen, nga 1 janari 2023.
Lajmi është bërë i ditur nga presidenca çeke e Këshillit të BE-së, në një postim në Twitter, ku presidenca shprehu kënaqësinë për faktin se zona Shengen po zgjerohet për herë të parë në më shumë se një dekadë.
Megjithatë, në Këshillin e Punëve të Brendshme të BE-së nuk pati unanimitet për anëtarësimin e Rumanisë dhe Bullgarisë në zonën Shengen, pavarësisht vlerësimit pozitiv të Komisionit se dy vendet plotësojnë kushtet për anëtarësim në Shengen.
/abcnews.al
