Ministrat e Jashtëm europianë do të zhvillojnë bisedime të veçanta të hënën me homologët e tyre izraelitë dhe palestinezë mbi perspektivat për paqe pasi Benjamin Netanyahu refuzoi thirrjet për një zgjidhje të ardhshme me dy shtete.
Shefi i politikës së jashtme të BE-së, Josep Borrell, shkaktoi zemërim tek Izraeli duke e akuzuar atë të premten se kishte “financuar” Hamasin për të minuar perspektivën për një shtet të mundshëm palestinez. Ai gjithashtu këmbënguli se e vetmja mënyrë për të arritur një paqe të qëndrueshme në rajon ishte që një zgjidhje me dy shtete “të imponohej nga jashtë”.
Zyrtarët e BE-së këmbëngulin se ka ardhur koha për të folur për zgjidhjen përfundimtare të konfliktit izraelito-palestinez.
27 ministrat e BE-së do të takohen fillimisht me ministrin e jashtëm të Izraelit, Israel Katz, përpara se të takohen veçmas me kryediplomatin e Autoritetit Palestinez, Riyad al-Maliki.
Katz dhe Maliki nuk pritet të takohen me njëri-tjetrin. Ministrat e Jashtëm të Egjiptit, Jordanisë dhe Arabisë Saudite do të zhvillojnë gjithashtu bisedime me ministrat europianë.
/abcnews.al
