Barcelona nuk po kalon një moment të mirë në kampionat. Katër humbje në dhjetë javët e para, vetëm 14 pikë të grumbulluara, vendi i nëntë në kampionat dhe 12 pikë larg Atleticos kryesuese.
Ekipi katalanas pret Levanten në “Camp Nou” të dielën në mbrëmje dhe fitorja është detyrim. Roland Koeman ka nevojë për përforcime dhe dy janë dëshirat e tij.
Mundo Deportivo raporton se trajneri holandez i ka kërkuar drejtuesve t’i sjellin në merkaton e janarit Memphis Depay, sulmuesin e Lyon dhe mbrojtësin Eric Garcia të Manchester City.
Situata ekonomike te Barcelona nuk është aspak e mirë, por në klub do të bëjnë të pamundurën për t’i dhuruar Koeman dy lojtarët e kërkuar. /abcnews.al
