Loading ...
Lindja e Krishtit është një nga dy festat më të rëndësishme në kalendarin e fesë së krishterë. Krishtlindja simbolizon për besimtarët paqen dhe fuqinë, triumfin e të mirës mbi të keqen, drejtësisë mbi ligësinë.
Mëngjesin e 25 dhjetorit qindra besimtarë ortodokse u mblodhën për ta festuar në Katedralen “Ngjallja e Krishtit” në Tiranë.
Gjatë meshës së shenjtë Kryepeshkopi Anastas Janullatos bëri thirrje për më shumë dashuri dhe shpresë.
Ndërsa besimtarët katolikë në kryeqytet meshën e shenjtë e ndoqën në mesnatë në Katedralen e “Shën Palit”
Arqipeshkvi Imzot George Frendo gjatë fjalës së tij solli në vëmendje solidaritetin e treguar pas tërmetit që goditi vendin. Ndërkohë iu drejtoi një thirrje të gjithë atyre që po tentojnë të përfitojnë nga fatkeqësia.
“Jam ndjerë shumë i zhgënjyer kur dëgjova se ka njerëz që kanë rritur qeranë për njerëzit që kërkojnë strehim. Është një mëkat i madh të përfitosh nga një tragjedi për t’u pasuruar”, u shpreh ai.
Në përfundim të meshave besimtarët uruan njëri –tjetrin për më shumë mirësi e begati./abcnews.al
