Një burrë, i cili punësoi një vrasës në rrjetin e errët dhe i kërkoi të eleminonte rivalin e tij në dashuri duke e paguar në kriptovaluta, është vënë nën hetim nga policia italiane.
Vrasësi në fjalë është identifikuar si administrator i një faqeje online të specializuar për vrasjet e porositura.
Çështja u hetua nga Shërbimi Policor i Postës dhe Komunikacionit, i cili operoi në bashkëpunim me Policinë Postare të Venecias dhe Trevisos.
Hetimi u koordinua edhe nga Zyra e Prokurorit Publik në Gjykatën e Trevisos, shkruan Abcnews.al.
Hetimi nisi nga autoritetet italiane kur Byroja Federale e Hetimit (FBI) e Shteteve të Bashkuara të Amerikës dërgoi një raport në Policinë Federale italiane, ku thuhej se një 45-vjeçar me banim në Treviso mund të ishte viktimë e një vrasjeje me porosi.
Bashkëpunimi kombëtar solli hetimin dhe bëri të mundur ndalimin e ekzekutimit.
Analizat paraprake kanë mundësuar identifikimin e viktimës së mundshme, e cila ishte vënë nën mbrojtjen e Komisariatit të Policisë Conegliano.
Më vonë, autoritetet ishin në gjendje të gjurmonin lëvizjet e parave dhe kriptomonedhave të dërguara nga portofoli virtual i personit që porositi vrasjen.
Lidhur me ngjarjen, organet ligjzbatuese italiane deklaruan:
“Identifikimi i suksesshëm i një përdoruesi që operon në ueb-in e errët dëshmon se pjesa e paindeksuar e rrjetit, ku ofrohen lirisht mallra dhe shërbime të paligjshme, të konsideruara deri tani të padepërtueshme nga Forcat e Policisë, nuk është më e tillë. Teknikat moderne të hetimit të përdorura nga Policia e Postës dhe e Komunikimeve, veçanërisht ato për gjurmimin e pagesave në kriptovaluta, lejojnë, si në këtë rast, gjurmimin e mbajtësve të kuletave të kriptomonedhave.”
Kriptomonedhat aktualisht janë në nivelet më të ulëta gjatë 12 muajve të fundit./Abcnews.al/
