Një krim i rëndë brenda familjes ka ndodhur në qytetin e Durrësit. 45-vjeçari Lulëzim Cuku ka qëlluar me thikë për vdekje bashkëshorten e tij, 33-vjeçaren Manjola Cuku.
Sipas policisë ngjarja e rëndë ka ndodhur rreth orës 23:55, ku L.C.,45 vjeç, banues në Xhafzotaj, në banesën e tij, për motive të dobëta ka qëlluar me thikë gruan e tij M.C., 33 vjeçe, e cila për pasojë ka ndërruar jetë. 45-vjeçari është larguar nga banesa pas krimit dhe policia është vënë në ndjekje të tij.
Mësohet se çifti ka tre fëmijë, dy vajza të moshës dhjetë e shtatë vjeç dhe një djalë 2 vjeç, ndërsa paraprakisht dyshohet se arsye e krimit është xhelozia.
Durrës/informacion
Më datë 01.02.2020, rreth orës 23:55, shtetasi L.C.,45 vjeç, banues në Xhafzotaj, në banesën e tij, për motive të dobta ka qëlluar me mjet prerës thikë, bashkëshorten e tij shtetasen M.C., 33 vjeçe, e cila për pasojë ka ndërruar jetë.
Shtetasi L,C, pasi ka kryer krimin është larguar nga banesa dhe në ndjekje të tij janë vënë shërbimet e Policisë.
Materialet do ti kalojnë Prokurorisë për veprën penale “Vrasja për shkak të marrëdhënieve familjare”.
/abcnews.al
