Presidenti turk Tajip Erdogan i ka thënë Vladimir Putin se Ankaraja mund të ndihmojë në përfundimin e konfliktit në Ukrainë.
Por një zëdhënës i presidentit rus duket se e hodhi poshtë sugjerimin, duke thënë se Erdogan nuk mund të vepronte si ndërmjetës në luftë.
Duke folur me Putinin në margjinat e një samiti të sigurisë në Kazakistan dje, Erdogan tha se besonte se një paqe e drejtë ishte e mundur, me një rezultat që u përshtatet të dyja palëve.
Zëdhënësi i Kremlinit Dmitry Peskov më vonë përjashtoi çdo rol si ndërmjetës për liderin turk.
“Jo, nuk është e mundur,” tha Peskov.
Nuk ishte e qartë pse Rusia ishte kundër pjesëmarrjes së Erdogan, i cili është përpjekur të mbajë marrëdhënie të mira me Rusinë dhe Ukrainën gjatë gjithë konfliktit.
/abcnews.al
