Kryetari i Partisë Demokratike të Kosovës, Memli Krasniqi, ka shpallur fitoren e këtij subjekti politik në Prizren, pasi Shaqir Totaj doli më i votuari.
Krasniqi, në një konference për medie, ka përmendur edhe fitoren e PDK-së në komuna të tjera.
“Diku diku ende janë votat duke u numëruar. Bazuar në këto rezultate, në emër të PDK-së dëshiroj të shpallë fitoren në Prizren. Fituam në Prizren, fituam në Vushtrri, fituam në Kaçanik, fituam në Dragash, fituam në nëntë komuna të Kosovës. E ardhmja e qytetarëve tonë do të jetë në duar të sigurta, pas këtyre zgjedhjeve tashmë skena politike në Kosovë”, deklaroi ai.
“Nuk ka më politikë dominuese, populli i Kosovës ia ka kthyer shpinën Albin Kurtit dhe Vetëvendosjes, sepse populli i Kosovës ia ka kthyer shpinën e modelit të udhëheqjes nga një njeri”, ka shtuar më tej ai.
