Në mesin e 10 personave në bordin e avionit që u vra kur u rrëzua të mërkurën jashtë Moskës ishte edhe nënkryetari i organizatës mercenare, Dmitry Utkin.
Një burrë me një të kaluar të errët dhe të dhunshme, një fytyrë “të fortë” dhe tatuazhe naziste, 53-vjeçari Utkin ishte njeriu që i dha emrin organizatës së Yevgeny Prigozhin.
“Wagner” ishte pseudonimi i tij pas muzikantit të tij të preferuar, një zgjedhje e çuditshme për një luftëtar. Një tjetër fakt është se: Utkin vjen nga qyteti i Asbestit në Urale, një qytet i quajtur pas asbestit kancerogjen vdekjeprurës.
Fotot tregojnë se Utkin ka tatuazhe të shumta naziste, duke përfshirë një svastika, një shqiponjë naziste dhe shenjat SS.
Ai ishte më parë nënkolonel në shërbimin e inteligjencës ushtarake GRU dhe kishte qenë dy herë në Çeçeni. Kur ai u largua nga shërbimi inteligjencës ushtarake në vitin 2013, ai filloi të punojë në shërbimet e sigurisë.
Wagner u themelua në vitin 2014 nga Utkin, pa u bërë ende e qartë nëse ai ishte vërtet themelues apo një “front” personash të panjohur. “Karriera” e Wagner filloi në Ukrainë, ku ndihmoi Rusinë të kapte pjesë të lindjes. Wagner vazhdoi të rekrutonte dhe trajnonte militantë që u dërguan në zonat e konfliktit në mbarë botën.
Bashkimi Evropian e përshkroi Utkin si “përgjegjës për koordinimin dhe planifikimin e operacioneve të vendosjes mercenare”.
“Arma” e tij ishte frika dhe forca brutale. Në Homs, Siri, në qershor 2017, ai thuhet se ka urdhëruar një dezertor të rrihet për vdekje dhe ka regjistruar aktin. Kohët e fundit në Ukrainë, një mercenar Wagner i akuzuar për dezertim u filmua duke u vrarë me çekiç.
Megjithatë, Utkin nuk duket se është larguar nga rrethi i Kremlinit. Ekzistojnë biseda të regjistruara të tij me oficerë të lartë dhe në vitin 2016 është dekoruar në Kremlin për kontributin e tij në Ukrainë.
