Kryetari i partisë LSDM-së, Dimitar Kovaçevski ka zhvilluar sot një takim me kryetarin e Aleancës për Shqiptarët, Arben Taravarin në të cilën biseduan për anëtarësimin e vendit në BE dhe zbatimin e programit të Qeverisë.
“Në takimin e sotëm me liderin e Aleancës për Shqiptarët, Arben Taravari, në selinë e LSDM-së, biseduam për zbatimin e programit të Qeverisë, dinamikën e punës për të ardhmen, si dhe për politikat që nënkuptojnë përmbushjen e synimi strategjik i anëtarësimit në BE dhe partneriteti me Shtetet e Bashkuara.
Synimet tona të përbashkëta, mbi të cilat po punojmë me përkushtim si politikanë dhe partnerë koalicioni, janë vazhdimi i rrugës evropiane drejt anëtarësimit të plotë në BE dhe forcimi i partneritetit strategjik me Shtetet e Bashkuara.
Është detyrim për të gjithë qytetarët dhe për të ardhmen e vendit sepse Maqedonia e Veriut nuk ka alternativë përveç rrugës evropiane”, ka shkruar Kovaçevski.
Lajmi është konfirmuar nga vetë Kovaçevski përmes një postimi në rrjetin social Facebook.
/abcnews.al
