Kosovë, arrestohet deputetja Saranda Bogujevci

Policia e ka arrestuar deputeten e Lëvizjes Vetëvendosje, Saranda Bogujevci. Arrestimi i saj erdhi gjatë një aksioni simbolik kundër dhunës në familje, ku aktivistë të këtij subjekti politik gjuajtën me bojë në drejtim të ndërtesës së policisë. Me këtë rast, policia arrestoi disa aktivistë të Vetëvendosjes. Gjatë ndalimeve pati dhe përleshje mes palëve. “Jemi mbledhur para stacionit të policisë me një aksion rreth çështjes së dhunës në familje”, ka thënë Bogujevci pak para arrestimit. Më tej ajo u shpreh se po arrestohen të rinjtë që protestojnë dhe jo fajtorët e dhunës në familje. Aksioni i Lëvizjes Vetëvendosje erdhi pasi disa ditë më parë ndodhi një krim në familje në Gjakovë, ku u vra dhe një fëmijë./abcnews.al