Loading ...
Analisti Baton Haxhiu komentoi për ‘Real Story’ qëndrimin e Kurtit në krye të shtetit të Kosovës. Sipas Haxhiut, Shqipëria është europianizuar dhe se është larg Ballkanit. Haxhiu shtoi ndër të tjera, se Kurti e sheh modelin politik të Ramës si idhull.
“Shqipëria është europianizuar dhe është larg Ballkanit, deri diku dhe Mali i Zi. Rama me diskursin potent që ka dhe lidhjet në BE, e ka krijuar një dëshirë të Kurtit që t’i ngjajë atij. Kjo duket si një përrallë e një gazetari, por Kurti e ka projektuar gabim rrugën e tij politike.
Ky është deluzioni politik, e ka pikën e rrezikut për të gjithë ne bashkë. “
Analisti Frrok Çupi tha për ‘Real Story’ se Kurti që në nisje të qeverisjes së tij ka ndjekur një politikë të mjergullt që bazohet në islamizmin politik.
“Problemi me Shqipërinë e kanë se është në Europë.
Qeveria e Kosovës po godet në brigjet e BE sepse nuk e pranojnë. Kurti prej fillimit ka ndjekur një politikë të mjergullt, e udhëhequr nga islamizmi politik. E kthen besimin në faktor politik.
Nëse do vazhdohet kështu qeveria do dominojë Kosovën dhe nëse do të ketë një qëndrim ndaj Shqipërisë si një breg i Europës, VetëVendosja do të jetë si një front për të ndërtuar një politikë të islamizmit që mund të jetë politik për të mbajtur pushtetin.”
