Komisioni Europian ka avancuar në mbështetjen e Ballkanit Perëndimor për zhvillimin dhe modernizimin e rrjetit të transportit hekurudhor. Korniza e investimeve për Ballkanin Perëndimor (WBIF) në faqen zyrtare thekson se Komisioni Europian po çon para projektet hekurudhore në kuadër të Korridorit të VIII.
Ndërkohë që projekti për dy segmentet hekurudhore shqiptare është në fazë përgatitore.
Dy linjat hekurudhore që kalojnë në Shqipëri kapin një vlerë prej 420 milion eurosh dhe parashikojnë rehabilitimin e hekurudhës nga Durrësi në Rrogozhinë dhe më pas nga Rrogozhina në kufi me Maqedoninë e Veriut.
Durrës-Rrogozhinë është segmenti parë i hekurudhës së Korridorit VIII dhe parashikohet rindërtimi i 33.5 km linjë hekurudhore ku përfshihen sistemet e elektrifikimit, sinjalizimit dhe telekomunikacionit.
Ndërkohë segmenti I dytë nga Rrogozhina në kufi me Maqedoninë e Veriut ka një gjatësi prej 120 kilometrash.
Kostoja e totale e hekurudhës nga Durrësi në Bullgari është llogaritur në 2 miliardë euro. Linja hekurudhore që parashikohet të ndërtohet në kuadër të projektit të Korridorit VIII, ndërlidh Shqipërinë me Maqedoninë e Veriut e Bullgarinë, dhe është pjesë e Rrjetit të Transportit Trans-Evropian. Këto investime synojnë të ofrojnë udhëtime të shpejta dhe lehtësim të transportit të mallrave dhe njerëzve.
