Shifrat e reja të përpiluara nga agjencia AFP tregojnë shkallën e madhe të ndikimit që pandemia e koronavirusit ka pasur në botë që nga zbulimi i virusit në Kinë në fund të vitit 2019. Rezulton se deri më tani, virusi ka vrarë të paktën 4,696,559 njerëz që kur u konfirmua rasti i parë në Kinë në dhjetor 2019.
Ndërsa, të paktën 229,008,620 raste janë konfirmuar pozitive që nga fillimi i pandemisë. Shifrat bazohen në raportet ditore të ofruara nga autoritetet shëndetësore në secilin vend.
Organizata Botërore e Shëndetit vlerëson se ndikimi më i gjerë i pandemisë mund të lidhet me një shkallë vdekshmërie tre herë më të lartë për shkak të vdekshmërisë së tepërt që lidhet drejtpërdrejt dhe indirekt me Covid-19. Një numër i madh rastesh më pak të rënda ose asimptomatike gjithashtu mbeten të pazbuluara, pavarësisht testimit të intensifikuar në shumë vende.
Shtetet e Bashkuara janë vendi më i prekur në aspektin e numrave absolut me 676,092 vdekje nga 42,290,027 raste.
Vendi me numrin më të madh të vdekjeve në krahasim me popullsinë është Peruja me 604 viktima për 100,000 banorë, e ndjekur nga Bosnje-Hercegovina me 314, Hungaria me 312, Republika e Maqedonisë së Veriut me 311, Mali i Zi me 296 dhe Bullgaria me 288. /abcnews.al/
