Koreja e Veriut ka deklaruar se dënon sulmet e SHBA-së kundër objekteve bërthamore iraniane, duke i cilësuar si një shkelje të rëndë të interesave të sigurisë dhe të drejtave territoriale të një shteti sovran.
“Shtetet e Bashkuara dhe Izraeli janë fajtorët e tensioneve aktuale në Lindjen e Mesme, të lindura nga “lëvizjet e pandërprera të luftës dhe zgjerimi territorial” i Jerusalemit, të pranuara dhe të inkurajuara nga Perëndimi”, ka thënë ministria e Jashtme e Koresë së Veriut.
Irani dhe Koreja e Veriut, kanë ruajtur lidhje miqësore dhe janë dyshuar për dekada të tëra për bashkëpunim ushtarak, përfshirë zhvillimin e raketave balistike.
