6 persona, mes tyre tre doganierë të Kapshticës, janë vënë në pranga pasi akuzohen për shpërdorim detyre dhe kontrabandë mallrash. Punonjësit e doganës dyshohet se kanë lejuar dy mjete të kalojnë një sasi të konsiderueshme pije energjike dhe pije të tjera pa ushtruar kontrollin përkatës.
Të ndaluarit janë Floben Guxho, 46 vjeç, Klodian Nastimi, 34 vjeç, Renato Molla, 33 vjeç, të tre me detyrë doganier , Kristi Meslani, 23 vjeç, Rezart Shega, 29 vjeç dhe Mario Berberi, 26 vjeç.
Arrestimi i tyre u bë në aksin rrugor Bilisht-Korçë, në afërsi të fshatit Dishnicë. Policia ka sekuestruar ne cilësinë e provës materiale pijet që kishin ngarkuar në dy makina. Ndërsa shtetasi Mario Berberi, dyshohet të jetë porositësi i këtij malli. /abcnews.al
