Konsullata greke në Korçë prej tre muajsh pa konsull

Prej tre muajsh, Konsullata e Përgjithshme Greke në Korçë, ka mbetur pa konsull. Georgios Alamanos, i cili mbajti detyrën e konsullit për një periudhë tre vjeçare, u largua nga detyra pas mbarimit të mandatit në korrik dhe ende Ministria e Jashtme Greke, nuk po emëron konsullin e ri. Mungesa e konsullit, ka pezulluar disa shërbime për qytetarët, si dhe procedurat për marrjen e shtetësisë greke, të cilat janë kompetencë e kreut të përfaqësisë diplomatike. Ndërkohë, konsullata, e cila ofron shërbime për banorët e të gjithë Qarkut të Juglindjes, vijon normalisht dhënien e vizave të punës dhe bashkimet familjare. Burime nga Kosullata greke bënë të ditur se dorëheqja e ministrit të Jashtëm Kocias, e ka shtyre në kohë plotësimin e vakancës së konsullit të përgjithshëm të Korçës./abcnews.al