Rreth 20 demokratë në Kongresin amerikan i bënë thirrje këtë të martë presidentes së sapozgjedhur të Meksikës, Claudia Scheinbaum, që të trajtojë çështjen e sigurisë kombëtare në lidhje me automjetet e prodhuesve kinezë të automjeteve në Meksikë të lidhur në internet.
Të gjitha makinat dhe kamionët modernë kanë pajisje të integruara që mundësojnë qasje në internet, gjë që u lejon atyre të ndajnë të dhënat me pajisjet brenda dhe jashtë automjetit, raporton Reuters.
Ligjvënësit amerikanë të udhëhequr nga Elise Slotkin dhe senatori Sherrod Broën kërkuan në një letër drejtuar Presidentit të Meksikës të vendosë mbikëqyrjen dhe të dërgojë një delegacion meksikan në Shtetet e Bashkuara për bisedime deri në fillim të vitit 2025.
SHBA frikësohet se Kina, një rival strategjik dhe ekonomik, si dhe një partner tregtar, mund të përdorë të dhënat e mbledhura nga automjetet e lidhura për të monitoruar ose, në rrethana ekstreme, për t’i kontrolluar ato nga distanca nëpërmjet internetit dhe sistemeve të navigimit.
“Ne besojmë se ky grup i të dhënave nën kontrollin e Partisë Komuniste Kineze është një kërcënim për sigurinë kombëtare”, thuhet në letrën e kongresmenëve amerikanë, e cila është nënshkruar edhe nga senatorët Gary Peter, Debbie Stabenoë dhe Tammy Baldwin./abcnews.al
