Kongo këtë të hënë ka bërë me dije se i ka dhënë fund epidemisë së Ebolas, gjatë së cilës 12 njerëz u infektuan në lindje të vendit, gjashtë prej të cilëve vdiqën.
Epidemia u vu nën kontroll me ndihmën e vaksinës Merck, e cila u mor nga më shumë se 1.600 njerëz që ishin në kontakt me pacientë të infektuar, si dhe njerëz të tjerë të rrezikuar.
Rastet e infeksionit ishin gjenetikisht të lidhura me epideminë Ebola, e cila zgjati nga 2018 deri më 2020 dhe gjatë së cilës më shumë se 2.200 njerëz vdiqën.
Epidemia shpërtheu serish më 3 shkurt në qytetin e Butembo, afër Kivu Verior, ku një grua vdiq pasi burri i saj u infektua gjatë epidemisë së mëparshme. /abcnews.al
