Marrëveshja “AUKUS” do të diskutohet në një takim të ministrave të jashtëm të BE -së sot në Nju Jork, teksa pritet mbledhja e Asamblesë së Përgjithshme të OKB -së.
Zëdhënësi i Komisionit Europian, Eric Mammer vuri në dukje se takimi i ministrave të jashtëm të BE -së do të mbahet sonte në Nju Jork.
I njëjti zëdhënës theksoi se Komisioni po analizon detajet e marrëveshjes “AUKUS”, para se të ketë një reagim formal. Ai tha gjithashtu se kreu i Komisionit po ndjek nga afër zhvillimet pas shpalljes së marrëveshjes, por ka zgjedhur të mos komentojë tani.
“Presidenti i Komisionit dëgjon kur një shtet anëtar shpreh pakënaqësi të fortë” tha Eric Mammer, duke vënë në dukje se Ursula von der Leyen u takua me Presidentin francez Emanuel Macron në Athinë.
Marrëveshja “AUKUS” parashikon bashkëpunim në shumë fusha të mbrojtjes dhe teknologjisë mes SHBA-së, Australisë dhe Britanisë së Madhe për prodhimin e nëndetëseve bërthamore duke anuluar kontratën miliarda dollarë me Francën duke sjellë acarimin e Parisit./ Abcnews.al
