Mblidhet Konferenca e Kryetarëve në kryesinë e Kuvendit për prezantimin e projektligjit për buxhetin e shtetit për vitin 2018. i pranishëm për këtë prezantim ishte ministri i Financave Arben Ahmetaj. Në rendin e ditës parashikohej edhe miratimi i kalendarit të veçantë për shqyrtimin e këtij buxheti dhe paketës së projekt-ligjeve që e shoqëron. Me përfundimin e njoftimit të rendit të ditës nga kreu i konferencës Gramoz Ruçi, Fronti Opozitar përmes kreut të grupit parlamentar demokrat Edmond Spaho, përsëriti refrenin e qeverisë së rënë moralisht dhe nevojës për një qeveri antimafia që do t’i hapë rrugë edhe zgjedhjeve të lira. Për këtë arsye anëtarët dekrat dhe të LSI në Këshill u larguan duke refuzuar të bëhen pjesë e asaj që konsiderojnë një teatër normaliteti në një situatë anormale si ajo në të cilën gjendet vendi ynë sot. Kjo nuk shqetësoi mazhorancën e cila vazhdoi mbledhjen me rendin e ditës, pra prezantimin e projektbuxhetit 2018 nga Ministri Arben Ahmetaj.
https://youtu.be/DHS6WNxIySA
