“Siguria nuk është domeni i qeverisë, Parlamenti është ai që kontrollon qeverinë dhe ndaj ne duhet që çështjen e Komisionit të Dezinformimit. ta shqyrtojmë me seriozitet”, kështu është shprehu Fatmir Mediu gjatë fjalës së tij në Kuvend.
Ai theksoi se ngritja e një Komisioni për dezinformimin duhet të jetë për të mbrojtur median e lirë.
“Nëse nuk kuptojmë si deputetët që këto kërcënime janë reale, atëherë ne jemi jashtë realiteti dhe naivë në çështjen e sigurisë. Shqipëria nuk mund të ngelet jashtë funksionit të aleatëve tanë. Qëllimi dezinformimit është të cënojë lirinë dhe të drejtat duke rritur mundësitë autoritare në Ballkan. Rruga më e mirë për ta zgjidhur është bashkëpunimi me mediat. Pra ky Komision duhet të jetë për të mbrojtur median e lirë pasi jo rrallë edhe gazetarët janë të sulmuar”, tha Mediu.
/abcnews.al/
