Çmimi për marrjen e patentës nuk do të rritet. Autoriteti i Konkurencës në mbledhjen e të mërkurës ka pezulluar zbatimin e marrëveshjes mes Drejtorisë së Përgjithshme të Transportit Rrugor dhe autoshkollave. Në bazë të kasj marrëveshje të 13 shkurtit 2023 u vendos rritje e çmimit të patentave, ku për kategorinë B pritet të shkojë 85 mijë, nga 45 mijë që është aktualisht.
Në një njoftim për shtyp ky institucion thotë se caktimi i tarifës minimale rrezikon të sjell dëm të pariparueshëm për konkurencën në formin e këtij shërbimi duke reduktuar seriozisht përfitimet që tregjet konkuruese ofrojnë për konsumatorët.
Nisur nga kjo është kërkuar depozitimi i të gjithë praktikës së ndjekur deri në nënshkrimin e saj, për të kryer vlerësimin ligjor, nëse ka shkeleje të ligjit “Për mbrojtjen e konkurrencës
Gjithashtu Autoriteti i Konkurencës sqaron se kjo masë merret deri në përfundim të procedurës administrative dhe marrjen e një vendimi final.
Nënshkrimi i kësaj marrëveshjeje u bë me arsyetimin e rritjes së cilësisë së shërbimeve si dhe luftën ndaj evazionit fiskal.
