Komisioni Europian ka miratuar një fond shtesë prej 1.5 miliardë eurosh për Ukrainën, tha të martën Presidentja Ursula von der Leyen.
“Sot ne po miratojmë 1.5 miliardë euro të tjera për Ukrainën në kuadër të paketës sonë vjetore të ndihmës makro-financiare”, shkroi ajo në Tëitter.
“Ne do të vazhdojmë të ndihmojmë Ukrainën që t’i rezistojë agresionit rus, të mbrojë institucionet dhe infrastrukturën e saj në funksion dhe të ndërmarrë reforma vendimtare,” tha gjithashtu von der Leyen.
Lufta Rusi-Ukrainë shënon herën e parë që Bashkimi Europian ka furnizuar me armë vdekjeprurëse një vend të tretë, duke nënvizuar shkallën e kërcënimit që beson se Moska paraqet për sigurinë e tij.
Mbështetësit e tjerë kryesorë të Ukrainës janë Shtetet e Bashkuara dhe Mbretëria e Bashkuar. Në fillim të shkurtit, blloku njoftoi se do të miratonte 545 milionë euro të tjera në fondin e tij të ndihmës ushtarake prej 3,6 miliardë eurosh për Ukrainën.
Masat e ndihmës ushtarake të marra nga BE-ja janë rreth 13 miliardë euro, nga të cilat 4.6 miliardë euro janë mobilizuar në kuadër të paqes në Europë.
/abcnews.al
