Komisioneri i tregtisë së Bashkimit Europian, Valdis Dombrovskis ndodhet sot në Kiev për bisedime me presidentin Volodymyr Zelensky dhe kryeministrin Denys Shmyhal mbi mbështetjen e BE-së për Ukrainën.
“Sot ndodhem në Kiev për të diskutuar mbështetjen e BE-së për Ukrainën, fokusin në mbështetjen financiare dhe planet tona për vitin 2023”, shkroi në Twitter Dombrovskis, një nga tre nënkryetarët ekzekutivë mes 27 komisionerëve të BE-së.
“Do të diskutoj gjithashtu me Zelensky dhe Denys Shmyhal hapat konkretë për një integrim më të ngushtë ekonomik mes BE-së dhe Ukrainës”.
Good meeting @ZelenskyyUa in Kyiv.
I reaffirmed EU’s solidarity with #Ukraine as Russia continues its brutal war, killing ?? citizens and destroying infrastructure.
We also discussed ?? emergency financial support to further Ukraine’s economic integration&EU accession process. pic.twitter.com/3brk2PIyrI
— Valdis Dombrovskis (@VDombrovskis) November 18, 2022
Zyrtarë të lartë të BE-së, duke përfshirë Presidenten e Komisionit Europian Ursula von der Leyen, dhe disa liderë të vendeve anëtare të BE-së kanë treguar gjithashtu solidaritet me Ukrainën duke vizituar Kievin që nga fillimi i luftës.
Komisioneri i BE-së për menaxhimin e krizave, Janez Lenarcic tha të enjten se blloku do të sigurojë gjithashtu strehim të përkohshëm, gjeneratorë dhe pajisje për riparimin e rrjetit energjetik të Ukrainës pas sulmeve ruse në infrastrukturën e vendit.
/abcnews.al
