Ekspozita “Dritare në Artin Mesjetar Shqiptar” u çel në sallën “Miro” në Paris me rastin e 60- vjetorit të anëtarësimit të Shqipërisë në UNESCO. Në këtë ekspozitë prezantohet rrugëtimi i pikturës bizantine përmes koleksionit të rrallë të ikonave.
Koleksioni i rrallë i ikonave të artit bizantin e postbizantin shqiptar prezantohet në Paris. Ekspozita “Dritare në Artin Mesjetar Shqiptar”u çel në sallën “Miro” me rastin e 60- vjetorit të anëtarësimit të Shqipërisë në UNESCO. Ky prezantim përbën një rrugëtim në historinë e pikturës bizantine dhe pas bizantine të zhvilluar në territorin shqiptar dhe fton publikun e gjerë dhe studiues të fushës në një eksperiencë të rrallë në njohjen e mjeshtërve dhe atelieve më të spikatura të kohës, nëpërmjet veprës së trashëguar prej tyre.
Ministrja e Kulturës Mirela Kumbaro gjatë fjalës së së saj theksoi se “Shqipëria bëhet pjesëmarrëse në krijimin e vlerave të përbashkëta të qytetërimit evropian, sepse e kaluara që ne e ruajmë së bashku do të jetë themeli i së ardhmes sonë. /abcnews.al
