Kolegji Universitar Beder vijon të mbështesë me bursa studimi maturantët më të mirë që zgjedhin të vijojnë studimet e larta në një ndër degët e tij.
Administratori Kelmend Nezha tregon se këtë vit akademik përfitues do të jenë 100 studentë të rinj.
“Beder për këtë vit akademik do të mbështesë me bursa ekselence, studentët që kanë arritur rezultate të larta. Gjithashtu, edhe për studentë që janë në pamundësi ekonomike, Beder nëpërmjet bursave sociale do të jetë pranë tyre. Këto bursa studimi do të jenë për gjatë gjithë kohëzgjatjes së studimeve.”
Zëvendës Rektori për Marrëdhëniet Ndërkombëtare William Martin shpjegon se Kolegji Universitar Beder, një institucion me status jofitimprurës, ka në thelb edukimin bazuar mbi vlerat universale.
“Studentët që përzgjedhin Kolegjin Universitar Beder janë të një cilësie të lartë. Ne i përgatisim për të qenë gati për tregun e punës brenda dhe jashtë vendit.”
Me 18 programe studimi në ciklin e parë dhe të dytë, Beder, organizohet në 6 departamente dhe 1 qendër kërkimore.
“…Beder ofron një vizion bashkëkohor me një mori programesh të ciklit të parë, të dytë dhe atyre profesionalë. Alternativat që sjellim në treg, janë në fushat tona aktuale në të cilat operojmë prej 10 vitesh. Që janë, Drejtësi, Shkenca Komunikimi, Gjuhë-Letërsi angleze si dhe në fushat tona të reja, Shkenca Kompjuterike, IT, Graphic Designer, Marketing dhe Web Development.”
Studentët që dëshirojnë të bëhen pjesë e Kolegjit Universal Beder kanë mundësi të përzgjedhin një nga programet e tij të studimit gjatë raundit të dytë që nis më 19 shtator dhe vijon deri më 21 shtator.
Mësoni detajet KËTU /abcnews.al/
