Roland Koeman pret dy dhurata nga merkato. Trajneri i Barcelonës ka folur në konferencën për shtypin përpara sfidës së ditës së mërkurë kundër Celta Vigos në transfertë.
Holandezi pret një numër 9, teksa flet edhe rreth Ousmane Dembele. Manchester United po tenton të sigurojë shërbimet e francezit ofensiv, por Koeman është kundër këtij largimi.
“Duhet të vlerësojmë me saktësi se çfarë mungon në skuadër. I marrim në konsideratë dhe problemet ekonomike, por nuk e mohoj dot se janë dy pozicione ku kemi nevojë për përforcime.
Na duhet një qendërsulmues dhe klubi po punon në këtë aspekt. Dembele? Ai është pjesë e jona dhe unë i besoj cilësive të këtij lojtari. Ousmane nuk luajti titullar, pasi Ansu Fati po tregon se është një lojtar shumë i mirë për Barcelonën.
Dembele nuk ka qenë në formën e tij më të mirë fizike, por sot është stërvitur pa probleme. Kam besim tek ai“, deklaron trajneri i Barcelonës. /abcnews.al
