Në Spanjë janë të bindur se Ronald Koeman nuk do të jetë trajneri i Barcelonës në sezonin e ardhshëm, madje e kanë të qartë edhe pasuesin e holandezit në stol.
Kryeredaktori i Barça Time dhe gazetari i One, Shay Lugassi, raporton se është e sigurt se Koeman nuk do vazhdojë të jetë trajner i Barcelonës në sezonin e ardhshëm dhe Xavi do jetë pasuesi i tij.
Ai raporton se Xavi ka zhvilluar një bisedë me video-kamera me Rafael Yuste, pjesëtar i bordit drejtues të Barcelonës dhe ka avancim në bisedimet mes palëve.
Ndërkohë, Barcelona thuajse e ka humbur titullin kampion, por Xavi para pak ditësh njoftoi rinovimin me Al Sadd. Gjithsesi në klauzolën e ish-mesfushorit parashikohet lirimi nga kontrata në rast se Barcelona e thërret në detyrë. /abcnews.al
