ABC News sjell pamjet nga operacioni antidrogë i kryer nga Forcat Operacionale, ku u zbuluan dy laboratorë droge në zonën Kodra e Diellit në Tiranë dhe në fshatin Qerekë të Niklës.
Sipas raportimeve, deri më tani janë ndaluar 7 persona. Janë të paktën 10 grupe operacionale që kanë kryer kontrolle në disa ndërtesa te Kodra e Diellit dhe në fshatin e Niklës.
Gazetari Ervin Leka raportoi më herët se në laboratin e zbuluar te Kodra e Diellit janë gjetur edhe sasi kokaine.
“Brenda këtij kompleksi kemi pasur edhe persona që janë arrestuar në flagrancë. Policia po vijon veprimet hetimore. Pjesa më e madhe e tyre është arrestuar në kompleksin rezidencial Kodra e Diellit. Pavarësisht sigurisë së lartë, mesa duket, ata e kishin kryher këto ambiente në vend ku kryhej përzierja e lëndës narkotike. Bëhet fjalë për sasi të konsiderueshme të lëndës narkotike kokainë, e cila vinte nga vendet e Amerikës Latine”, raportoi gazetari Leka./abcnews.al
