Klubi i Premier League, Watford, nuk po shqetësohet aspak sa i takon mbarëvajtjes së merkatos së verës, pasi po lëviz me ritme të shpejta në përforcimin e skuadrës. Pasi siguruan me para-kontratë mesfushorin e Le Havre, Pape Gueye, mediat britanike, por dhe ato turke, raportojnë se është bërë gati dhe afrimi i dytë.
Bëhet fjalë për sulmuesin Mbaye Diagne, kartoni i të cilit zotërohet nga Galatasaray, por që ka luajtur këtë sezon si i huazuar me Club Brugge. Por problemet e tij disiplinore, detyruar klubin belg t’ia ndërpresë kontratën, duke e rikthyer në Turqi.
LEXO EDHE: Merkato nuk ndalet kurrë, Watford zyrtarizon afrimin e mesfushorit
As Galatasaray nuk e do sulmuesin në skuadër dhe largimi i tij duket i paevitueshëm. Diagne dukej pranë Nottingham Forest në Championship, por oferta e Watford ka qenë më e kënaqshme. Zyrtarizimi i Diagne te Watford duket thjesht çështje orësh./abcnews.al
