Në nisje të seancës plenare Këshilli i Lartë i Prokurorisë ka miratuar ditën e sotme me shumicë votash raportin “Mbi veprimtarinё e Kёshillit tё Lartё tё Prokurorisё pёr periudhёn dhjetor 2018-korrik 2019”.
Në rendin e ditës të KLP ditën e sotme është shtuar për diskutim edhe një pikë tjetër, ajo e zgjatjes së afatit të caktimit të përkohshëm për 3 prokurorë, përkatësisht:
-Violeta Shkurta (Prokurore në rrethin Fier),
-Arben Dyla (Prokuror në Lushnje) dhe
-Alma Bramo (Prokurore në Pukë), të cilëve ju mbaron mandatin aktual me 1 Tetor 2019.
Ndërkohë është shtyrë për mbledhjet e ardhshme miratimi i projekt-aktit “Pёr rregullat pёr caktimin mbi bazё tё parimit tё rotacionit tё avokatit mbrojtës nga lista e avokatëve qё ofrojnë shërbimet e ndihmës juridike dytësore nё procesin penal”.
Relacioni i këtij projekt akti është vënë në dispozicion nga Ministria e Drejtësisë.
Avokati mbrojtës është detyrim që buron nga ndryshimet e fundit në Kodit të Procedurës Penale, në nenin 29 dhe 29 a dhe miratimin e ligjit 111/2017 ” Për ndihmën juridike, të garantuar nga shteti”.
Anëtaret e Këshillit kanë kërkuar kohë të njihen me këtë projekt-akt brenda grupeve të punës.
Gjithashtu për mbledhjet e ardhshme është shtyrë për diskutim edhe projekt-akti “Për rregullat për garantimit e mbrojtjes së detyrueshme”.
Gjatë mbledhjes së sotme është miratuar me shumicë votash rregullorja “Pёr procedurën e verifikimit tё kushteve dhe kritereve ligjore pёr rekrutimin, emërimin si magjistrat dhe caktimin nё pozicion tё kandidatëve pёr prokurorë, si dhe zhvillimin e karrierës sё prokurorëve” gjithashtu me 10 vota pro, projekt–vendimi për caktimin e përkohshëm të prokurorit Z.Edmond Karriqi, prokuror nё Prokurorinë pranë Gjykatës së Shkallës së Parë Kukës, në pozicionin e Drejtuesit të Prokurorisë pranë Gjykatës së Shkallës së Parë Kukës.
Këshilli i Lartë i Prokurorisë ka vazhduar me rendin e ditës duke miratuar me 9 vota pro dhe 1 kundër (Kostaq Beluri) projekt-vendimet pёr ndërprerjet e caktimeve tё përkohshme tё 13 prokurorëve tё caktuar nё Prokuroritë e juridiksionit tё pёrgjithshёm.
-Arben Allajbeu, prokuror i caktuar përkohësisht në Prokurorinë pranë Shkallës së Parë Durrës me urdhër nr 153 dt .30.05.2018 të Prokurorit të Përgjithshëm, me emërim në Prokurorinë e Tiranës.
-Astrit Halili, prokuror i caktuar përkohësisht në Prokurorinë pranë Shkallës së Parë Krujë me urdhër nr.236 dt.02.11.2018 të Prokurorit të Përgjithshëm, me emërim në Prokurorinë e Shkodrës.
-Agim Dalipaj prokuror i caktuar përkohësisht në Prokurorinë pranë Shkallës së Parë Lezhë me urdhër nr.31 dt.17.01.2018 të Prokurorit të Përgjithshëm, me çmerim në Prokurorinë e Tropojës.
-Agron Gjana prokuror i caktuar përkohësisht në Prokurorinë pranë Shkallës së Parë Tiranë me urdhër nr.78 dt.02.03.2018 të Prokurorit të Përgjithshëm, me emërim në Prokurorinë e Durrësit.
-Ajola Prençi (Ymeri) prokuror i caktuar përkohësisht në Prokurorinë pranë Shkallës së Parë Shkodër me urdhër nr.28 dt.17.01.2018 të Prokurorit të Përgjithshëm, me emërim në Prokurorinë e Kurbinit .
-Elidon Hysenaj prokuror i caktuar përkohësisht në Prokurorinë pranë Shkallës së Parë Tiranë me urdhër nr.275 dt.07.12.2018 të Prokurorit të Përgjithshëm, me emërim në Prokurorinë e Sarandës .
-Erjon Shqarri prokuror i caktuar përkohësisht në Prokurorinë pranë Shkallës së Parë Tiranë me urdhër nr.276 dt.07.12.2018 të Prokurorit të Përgjithshëm, me emërim në Prokurorinë e Vlorës .
-Esmeralda Ndoçi prokurore e caktuar përkohësisht në Prokurorinë pranë Shkallës së Parë Elbasan me urdhër nr.280 dt.07.12.2018 të -Prokurorit të Përgjithshëm, me emërim në Prokurorinë e Shkodrës.
-Gentian Habazaj prokuror i caktuar përkohësisht në Prokurorinë pranë Shkallës së Parë Tiranë, me urdhër nr.124 dt.27.04.2018 të Prokurorit të Përgjithshëm, me emërim në Prokurorinë e Beratit. Për këtë vendim ka patur 8 vota pro dhe 2 kundër, prokurorët Kostaq Beluri dhe Bujar Sheshi kanë votuar kundër këtij vendimi.
Kreshnik Ajazi prokuror i caktuar përkohësisht në Prokurorinë pranë Shkallës së Parë Tiranë me urdhër nr.155 dt.30.05.2018 të Prokurorit të Përgjithshëm, me emërim në Prokurorinë e Elbasanit.
Saimir Bahiti prokuror i caktuar përkohësisht në Prokurorinë pranë Shkallës së Parë Gjirokastër me urdhër nr.216 dt.12.10.2018 të Prokurorit të Përgjithshëm, me emërim në Prokurorinë e Shkodrës.
Suela Beluri prokurore e caktuar përkohësisht në Prokurorinë pranë Shkallës së Parë Durrës me urdhër nr.239 dt.02.11.2018 të Prokurorit të Përgjithshëm, me emërim në Prokurorinë e Fierit ./abcnews.al
