Këshilli i Lartë i Prokurorisë i kërkon sërish zyrtarisht Komisionit të Pavarur të Kualifikimit kryerjen sa më parë të procesit të Vetingut për prokurorin Olsian Çela, kandidat për prokuror të përgjithshëm.
Këshilli i Lartë i Prokurorisë i ka nisur një letër të dytë KPK-së për këtë qëllim, pasi nuk ka marrë ende asnjë përgjigje pas letrës së parë, të nisur para një muaji e gjysmë.
Olsian Çela është i vetmi nga tre kandidatët prokurorë që nuk ka kaluar akoma Vettingun, i cili është kusht për vijimësinë e procedurave për kreun e Prokurorisë.
Ndërsa Këshilli i Lartë i Prokurorisë pritet të kalojë në Vetting vetë kandidatin Lulëzim Alushaj, që vjen nga radhët e avokatisë.
Në garë për prokurorin e përgjithshëm të vendit janë edhe prokurorët Arta Marku e Fatjona Memçaj. /ABC News Albania 24/7
