Trajneri gjerman, Jurgen Klopp e ka shpallur të mbaruar sfidën e Liverpoolit për titull në Ligën Premier këtë sezon.
Përpara përballjes së sotme me liderët e deridjeshëm të kampionatit, Arsenalin, Klopp ka folur në konferencë për shtyp.
Megjithatë, fjalët e tij nuk do t’iu pëlqejnë aspak tifozëve “The Reds”, pasi gjermani ka thënë se shpresat e tyre për titull tashmë kanë marrë fund.
“Nga kjo pikë, a duket se do të jemi kampionë? Fatkeqësisht jo, por në të gjitha garat e tjera nuk jemi eliminuar ende”, ka thënë fillimisht Klopp.
“Askush nuk e di se ku do të përfundojmë në ligë, kështu që ne thjesht i japim një hap. Kjo është ajo. E vështirë po, e pamundur jo”.
“Pra, le të shkojmë nga këtu. A mendova se do të ishim të nëntit pas ndeshjes së shtatë? Jo. Por, kjo është baza ku jemi tani dhe ne duhet të shkojmë nga këtu”, përfundoi trajneri i “The Reds”.
Ndryshe, Liverpooli ka aktualisht dhjetë pikë apo 13 më pak se lideri momental Manchester City, por “The Reds” kanë dy ndeshje më pak. /f.a/abcnews.al
