Shumë çifte që e kanë pasur të pamundur të bëhen prindër zgjidhje për problemin e tyre kanë gjetur në Klinikën e Fertilitetit në Spitalin “Hygeia” në Tiranë.
75% e rasteve të trajtuara sipas drejtorit të Klinikës Stefanos Handakas kanë rezultuar të suksesshme.
“Klinika e Fertilitetit Hygeia është themeluar në vitin 2011 dhe në një periudhë kohore 9 vjeçare është kthyer në klinikën më të suksesshme në Shqipëri duke ofruar mbi 75% sukses për rastet e trajtuara me IVF, pra, nga 10 çifte të cilët e kanë të vështirë të konceptojnë një shtatzëni, 6-7 prej tyre e arrijnë atë me sukses. Kjo normë është mjaft e lartë madje edhe duke ju referuar standarteve evropiane”.
Doktor Handakas suksesin e arritur e mbështet tek mjekët e huaj dhe vendas me përvojë në këtë fushë dhe teknologjia moderne që përdoret në klinikë.
“Çelësi i suksesit të Klinikës së Fertilitetit Hygeia qëndron në bashkëveprimin e njëkohshëm të disa faktorë të tillë si; laboratorët modern të teknologjisë së fundit në fushën e riprodhimit të asistuar që ne disponojmë, ndjekja e pacientit nga ekipi me mjek grek dhe shqiptarë me experiencë mbi 28 vjeçare në trajtimet e infertilitetit dhe sigurisht trajtimi i personalizuar(në varësi të diagnozës) të cilit i nënshtrohen pacientët në klinikën tonë. Jemi krenarë për arritjet tona dhe shpresojmë që në vitet në vijim do të kemi rezultate akoma më të kënaqshme për pacientët tanë”.
Në klinikën e Fertilitetit në Spitalin Hygeia në Tiranë mjekët thonë se mund të gjendet zgjidhje për probleme nga me të lehtët deri tek më të komplikuarat./abcnews.al
