Një mollë në ditë të mban larg mjekut dhe përmirëson shëndetin. Por a e dini mënyrën e duhur për ta ngrënë? Nëse e lani, e pastroni, e prisni në katër dhe ia hiqni farat, atëherë përgjigjja është jo.
Sipas një studimi të ri të Universitetit të Teknologjisë të Gracit në Austri, ne bëjmë një gabim të madh nëse i hedhim farat! Arsyeja; Studiuesit zbuluan se një bakter miqësor i quajtur “Lactobacillus”, i cili ndihmon me çrregullimet e tretjes, gjendet te farat e mollës.
Studiuesit ekzaminuan të gjitha pjesët e një molle (kërcellin, lëkurën, mishin dhe farat) për përmbajtjen e tyre bakteriale. Kështu ata zbuluan se bakteret e dobishme gjenden në të gjithë mollën, por shumica janë të përqendruara në fara, pika që ne të gjithë e hedhim!
Pavarësisht nëse më në fund vendosni të filloni të hani kokrra apo jo, mollët janë një nga ushqimet më të shëndetshme. Është e pasur me lëndë ushqyese si vitamina C, kalium, karbohidrate dhe fibra, ndërsa për sa i përket kalorive një mollë mesatare me lëvozhgën e saj jep pak më shumë se 80 kalori. Përveç kësaj, ato kanë një efekt të fortë antioksidues dhe janë veçanërisht të dobishëm për presionin e gjakut, duke ulur rrezikun e sëmundjeve kardiovaskulare. Fibra, e cila është e bollshme në lëkurën e mollës, ndihmon në luftimin e kapsllëkut, por edhe ul kolesterolin./abcnews.al
