Një deklaratë e Nicki Minaj lidhur me vaksinën ka shkaktuar debat të gjerë aq sa pati dhe një reagim nga Shtëpia e Bardhë. Reperja vuri në dyshim efikasitetin e vaksinës duke thënë se mund të shkaktojë impotencë. “Kushëriri im nuk e bën vaksinën pasi miku i tij e mori dhe u bë impotent”, tha mes të tjerash reperja.
Ajo ka marrë një ftesë nga ekspertët për të diskutuar në lidhje me sigurinë dhe efikasitetin e vaksinës, të cilën e ka pranuar. “Ashtu si me të tjerët, ne ofruam një telefonatë me Nicki Minaj dhe një nga mjekët tanë për t’iu përgjigjur pyetjeve që ka në lidhje me sigurinë dhe efektivitetin e vaksinës”, tha një zyrtar.
My cousin in Trinidad won’t get the vaccine cuz his friend got it & became impotent. His testicles became swollen. His friend was weeks away from getting married, now the girl called off the wedding. So just pray on it & make sure you’re comfortable with ur decision, not bullied
— Nicki Minaj (@NICKIMINAJ) September 13, 2021
Dhe Dr, Anthony Fauci, eksperti më i lartë i sëmundjeve infektive në SHBA hodhi poshtë postimin viral të reperes duke thënë se vaksina nuk shkakton probleme të tilla. Ai shtoi se një “tweet” në dukje i pafajshëm mund të shkaktojë dëm të madh.
“Përgjigja është jo. Nuk ka dëshmi se kjo po ndodh – kështu që përgjigjja e pyetjes është jo. Ajo duhet të mendojë dy herë para se të përhapë informacione që nuk kanë asnjë bazë dhe shkenca nuk ka asnjë lidhje me të.“, tha Fauci. /abcnews.al
