Media austriake “Kurier” ka zbardhur detaje të reja nga arrestimi i 45-vjeçarit Kasandër Noga, i cili akuzohet për atentatin e bërë ditën e shtunë ndaj Erion Hasanbelliut në qendër të Brukselit duke e qëlluar me 6 plumba, por fatmirësisht arriturit tu mbijetojë plagëve dhe aktualisht ndodhet në spital.
Sipas “Kurier” Noga u arrestua nga policia austriake në Vjenë ditën e hënë, ndërkohë që 45-vjeçari ka shprehur habi dhe nuk ka bërë rezistencë.
Ndërkohë theksohet se policia ka arritur të pengojë arratisjen e tij drejt Shqipërisë.
Shkrimi i plotë i “Kurier”:
Ishte 11 qershor në kryeqytetin belg të Brukselit: Sipas autoriteteve atje, një 45-vjeçar nga Shqipëria ka qëlluar disa herë drejt një burri në rrugë. Më pas 45-vjeçari u kërkua duke përdorur një urdhër arresti evropian.
Ditët e fundit hetuesit e Policisë Kriminale Shtetërore të Vjenës janë vënë në ndjekje të një informacioni se i kërkuari thuhet se ndodhet në Vjenë. Pas hetimeve dhe vëzhgimeve intensive, hetuesit arritën dje të hënën të arrestonin autorin e dyshuar përpara një pallati në lagjen Vjenë-Donaustadt.
45-vjeçari është habitur dhe nuk ka bërë asnjë rezistencë. Sipas informacioneve fillestare, hetuesit kanë penguar arratisjen e tij drejt Shqipërisë, e cila mësohet se ka qenë e pashmangshme.
/Abcnews.al/
