“Kina është e gatshme të punojë me Vietnamin për të forcuar komunikimin dhe bashkëpunimin e nivelit të lartë midis ushtrive të tyre”.
Kështu u shpreh të martën ministri kinez i Mbrojtjes, Li Shangfu teksa takoi homologun e tij vietnamez, shkruan Reuters.
Në takimin e tyre në Pekin, Li tha se situata ndërkombëtare ishte kaotike dhe e ndërthurur, dhe siguria e rajonit Azi-Paqësor po përballet me sfida.
“Kina dhe Vietnami duhet të vazhdojnë të punojnë krah për krah dhe të bashkohen ngushtë në rrugëtimin e ri të socializmit, të mbrojnë interesat e përbashkëta strategjike të dy vendeve dhe të japin kontribute pozitive për paqen dhe stabilitetin rajonal,” u shpreh Li në bisedimet me ministrin e Mbrojtjes së Vietnamit, Phan Van Giang./abcnews.al
