Mbrojtësi i Bayern Munchen, Joshua Kimich, ishte krah trajnerit Hans Flick në konferencën për shtyp para sfidës kundër Chelseat. Gjermani preku disa tema para kësaj sfide.
ANGLEZET – “Premier League ishte dominuese sezonin e shkuar në Europë, kishim dy finale të gjitha angleze. Ata dinë të rivalizojnë shumë mirë me të gjitha ekipet. Megjithatë, edhe klubet gjermane po bëjnë mirë, e treguan javën e shkuar (Dortmund dhe Leipzig)”.
CHELSEA – “Chelsea ka shumë lojtarë interesantë, një miks i mirë mes eksperiencës dhe talentit. Ata kanë edhe një atmosferë të mirë në stadiumin e tyre dhe do të luajnë me shumë besim”.
RACIZMI – “Kemi pasur shumë episode të shëmtuara javët e fundit. Ne si lojtarë, duam të ngrihemi dhe të luftojmë kundër këtij fenomeni. Jemi model për t’u ndjekur dhe do ta shfrytëzojmë në maksimum këtë gjë”.
TROFEU – “Sigurisht, është një ëndërr e madhe. Preferojmë ta fitojmë Champions League që këtë sezon, luajmë më me shumë besim nga vitet e kaluara. Kemi më shumë eksperiencë sesa sezonin e shkuar dhe mund t’i shkojmë deri në fund”, përfundoi Kimich./abcnews.al
