Komisioneri për Zgjerim, Oliver Varhelyi, ditën e sotme vizitoi Shqipërinë.
Varhelyi është takuar me ambasadoren amerikane në Tiranë, Yuri Kim si dhe me ndihmës sekretaren e shtetit, Karen Donfried. Ambasada amerikane përmes një postimi në Twitter njofton se tema e diskutimit ka qenë integrimi i Shqipërisë dhe Maqedonisë së Veriut në BE.
“Ndihmës Sekretarja e Shtetit Karen Donfried dhe Komisioneri Evropian për Fqinjësinë dhe Zgjerimin, , Oliver Varhelyi u takuan për të diskutuar përparësinë e përbashkët të integrimit të të gjitha vendeve të Ballkanit Perëndimor në Bashkimin Evropian. lufta në Ukrainë e ka bërë integrimin në BE edhe më urgjent. Të dyja palët rikonfirmuan mbështetjen e tyre të fortë për bisedimet e anëtarësimit në BE për Shqipërinë dhe Maqedoninë e Veriut. Gjithashtu rikonfirmuan përkushtimin e tyre për të punuar me partnerët shqiptarë për reformën në drejtësi dhe integrimin në BE”, thuhet në njoftimin e ambasadës amerikane.
(1/2) @StateEUR‘s Assistant Secretary of State Karen Donfried & European Commissioner for Neighborhood & Enlargement @OliverVarhelyi met to discuss the shared priority of integrating all Western Balkan countries into ??. pic.twitter.com/U8uKTwuKow
— USEmbassyTirana (@USEmbassyTirana) April 28, 2022
Varhelyi më herët takoi kryeministrin Rama me të cilin mbajti një konferencë të përbashkët për shtyp, si dhe deputeten demokrate Jorida Tabaku. /abcnews.al/
