Dhe koha kalon… Dhe gjumi nuk të merr. Ju keni numëruar, keni provuar hile të ndryshme të tjera, por gjumi nuk vjen. Vërtetë, a jeni përpjekur të ndryshoni dietën tuaj apo edhe t’i kushtoni vëmendje asaj që hani para se të shkoni në shtrat?
Sepse mbani në mend se pagjumësia lidhet edhe me dietën. Dhe kjo mund të ndikojë shumë në gjumë.
Shihni më poshtë, për shembull, tre nga ushqimet që ju “vjedhin” gjumin.
1. Akullore
Përmbajtja e saj e lartë e yndyrës dhe sheqerit mund të shqetësojë gjumin tuaj. Në përgjithësi, ushqimet me yndyrë duhet të konsumohen në mëngjes ose të paktën tre orë para gjumit. Sheqeri çon në luhatje të sheqerit në gjak gjatë gjithë natës, të cilat mund t’ju zgjojnë. Nëse patjetër që dëshironi të hani diçka para gjumit, zgjidhni ushqime të pasura me proteina, të tilla si një vezë e zier ose një grusht arra.
2. Makaronat
Një studim japonez zbuloi se ata që hanin makarona para gjumit kishin vështirësi në gjumë dhe gjumi i tyre ishte më i shkurtër se ata që hëngrën oriz. Studiuesit besojnë se kjo është për shkak të indeksit glicemik të ushqimit. Orizi kafe ka një indeks të lartë glicemik, që do të thotë se ngadalë dhe në mënyrë të qëndrueshme çliron sheqerin në gjak.
3. Djathi
Djathrat me shumë yndyrë janë të pasura me tiraminë, një aminoacid që bën që truri të lëshojë stimulues që vonojnë relaksimin. Nëse dëshironi të hani djathë para gjumit, preferoni djathin krem ose gjizën që nuk kanë tiraminë. l.k/abcnews.al
