Ishte një barazim me shumë fat. “Të Kaltërit” e Italisë kanë “blinduar” vendin e dytë, në Grupin B, të Euro 2024, teksa në përballjen e mbrëmjes së kësaj të hëne, në “Red Bull Arena”, të Lajpcigut arritën të barazonin në sekondat e fundit, sfidën ndaj Kroacisë, duke u ngjitur në kuotën e 4 pikëve dhe tashmë do të përballen në raundin e 1/16-ve, me “Helvetët” e Zvicrës.
Një koment të shkurtër pas ndeshjes e ka bërë edhe tekniku i kampionëve në fuqi të Evropës, Luciano Spalletti, i cili theksoi për rezultatin se futbolli është i tillë dhe se ka momente të tilla kulminante.
“Ne e besuam deri në sekondën e fundit, futbolli është kështu. Ka momente që kthehen në shumë kulminante, siç ka edhe momente të vështira”,- u shpreh tekniku italian. /i.m /abcnews.al
