Loading ...
Sergio Aguero shpreson ta mbyllë aventurën me Manchester City me fitimin e Champions League. Ekipi i Pep Guardiolës siguroi kalimin në finalen e madhe të Stambollit mbrëmjen e kaluar, pasi eliminoi PSG-në.
Sulmuesi argjentinas del lojtar i lirë në fund të sezonit. Barcelona e kërkon në Spanjë, nga Italia flitet për një interesim të dyshes Inter-Juventus, ndërsa nuk përjashtohet qëndrimi në ishull.
Rio Ferdinand beson versionin e fundit, teksa do i pëlqente ta shihte te Chelsea. “Blutë e Londrës” kanë formuar një skuadër të fortë, me lojtarë të rinj dhe të talentuar, por në majën e sulmit mungon një lojtar si El Kun.
“Sipas mendimit tim, Sergio Aguero do të qëndrojë në Premier League. Nëse do të isha te Chelsea, do ta afrojë menjëherë në skuadër. Do të nxitoja për t’i dhuruar një kontratë këtij lojtari“, deklaron ish-mbrojtësi anglez. /abcnews.al
